ఆంధ్రప్రదేశ్ రాష్ట్ర ఐటీ మరియు విద్యాశాఖ మంత్రి, అలాగే తెలుగుదేశం పార్టీ జాతీయ ప్రధాన కార్యదర్శి నారా లోకేశ్ డిసెంబర్ 6న అమెరికా పర్యటనకు వెళ్తున్నారు. ఈ సందర్బంగా డాలస్ నగరంలో పదివేల మంది ప్రవాస తెలుగువారితో ఒక భారీ సభ నిర్వహించేందుకు ఎన్నారై టీడీపీ విభాగం అద్భుతమైన ఏర్పాట్లు చేస్తోంది.
ఈ సభను చారిత్రాత్మకంగా నిలిపే ప్రయత్నంలో ఎన్నారై టీడీపీ సభ్యులు నిన్న ప్రత్యేక సమావేశం నిర్వహించారు. వంద మందికి పైగా సభ్యులు హాజరైన ఈ సమావేశంలో కార్యక్రమాన్ని సజావుగా నిర్వహించేందుకు విభాగాలు, కమిటీలను ఏర్పాటు చేశారు. భద్రత, భోజనాలు, స్వాగతం, వేదిక నిర్వహణ వంటి అంశాల బాధ్యతలను వేర్వేరు కమిటీలకు అప్పగించారు.
సభ నిర్వహణను పర్యవేక్షించేందుకు ప్రత్యేకంగా స్టీరింగ్ కమిటీని నియమించారు. ఆ కమిటీలో సుధీర్ చింతమనేని, చంద్రశేఖర్ కాజా, నవీన్ యర్రంనేని, రామకృష్ణ గుళ్లపల్లి, కిషోర్ చలసాని, లోకేశ్ కొణిదల, దిలీప్ చంద్ర, పూర్ణ గరిమెళ్ల, అమర్ అన్నే, అనిల్ తన్నీరు తదితరులు ఉన్నారు.
డాలస్లో జరుగనున్న ఈ సభలో నారా లోకేశ్ ఏ సందేశం ఇవ్వబోతున్నారు? ఎన్నికల ముందు ఈ పర్యటనకు ఉన్న ప్రాధాన్యత ఏమిటి? అన్నదానిపై అందరి దృష్టి సారించింది.
