హైదరాబాద్: నగర శివారు ప్రాంతంలో సంచలన ఘటన చోటుచేసుకుంది. 8వ తరగతి చదువుతున్న 15 ఏళ్ల బాలికపై ముగ్గురు వ్యక్తులు అత్యాచారానికి పాల్పడ్డారు. నిందితుల్లో ఇద్దరు మైనర్లు ఉన్నట్లు పోలీసులు వెల్లడించారు.
పరిచయం నుంచి నేరం వరకు…
పుప్పాలగూడకు చెందిన బాలిక ఈ నెల 7న Charminar వద్ద షాపింగ్కు వెళ్లిన సమయంలో ఫుట్పాత్పై వ్యాపారం చేసే 16 ఏళ్ల బాలుడితో పరిచయం ఏర్పడింది. అతను బాలిక ఫోన్ నంబర్ తీసుకుని తరచూ మాట్లాడడం ప్రారంభించాడు.
ఈ నెల 16న స్కూల్కు వెళ్తున్నట్లు ఇంట్లో చెప్పి బాలిక మళ్లీ చార్మినార్కు వెళ్లింది. రాత్రి వరకు ఇంటికి రాకపోవడంతో ఆందోళన చెందిన తల్లి Narsingi Police Station లో ఫిర్యాదు చేశారు.
సీసీ కెమెరాలతో గాలింపు
ఫిర్యాదు అందుకున్న పోలీసులు ప్రత్యేక బృందాలతో గాలింపు చేపట్టారు. సీసీ కెమెరా ఫుటేజ్, సాంకేతిక ఆధారాల ఆధారంగా చెంగిచెర్లలో బాలిక ఉన్నట్లు గుర్తించారు.
మద్యం తాగించి దారుణం
బాలిక తన దగ్గరకు రావడాన్ని అవకాశంగా తీసుకున్న మైనర్ బాలుడు తన స్నేహితులైన పాతబస్తీ రైన్బజార్కు చెందిన ఆటో డ్రైవర్ Imran Khan alias Shishi (24), తలాబ్కట్టకు చెందిన మరో బాలుడిని పిలిపించాడు.
బాలికను చార్మినార్ పరిసర ప్రాంతాల్లో తిప్పి, అర్ధరాత్రి తర్వాత నగర శివారు చెంగిచెర్లలోని డబుల్ బెడ్రూం ఇళ్ల సముదాయం వద్దకు తీసుకెళ్లారు. ముగ్గురూ మద్యం సేవించి, బాలికతో కూడా బలవంతంగా తాగించారు.
మత్తులో ఉండగా కత్తితో బెదిరించి అత్యాచారానికి పాల్పడ్డారని విచారణలో తేలింది.
ఇద్దరు అదుపులో… ఒకరు పరారీ
ఘటన స్థలంలో ఉన్న ఒక మైనర్ బాలుడు, అలాగే ఇమ్రాన్ ఖాన్ను పోలీసులు అదుపులోకి తీసుకున్నారు. మరో బాలుడు పరారీలో ఉన్నట్లు తెలిపారు.
పాత నేరస్థుడు
ఇమ్రాన్ ఖాన్ దోపిడీ, దొంగతనం, భౌతిక దాడులు సహా 8 కేసుల్లో నిందితుడిగా ఉన్నట్లు పోలీసులు వెల్లడించారు.
