ఆంధ్రప్రదేశ్‌లో మున్సిపల్ ఎన్నికలకు సంబంధించి రిజర్వేషన్ల కసరత్తు తుది దశకు చేరుకుంది. రాష్ట్రవ్యాప్తంగా 17 మున్సిపల్ కార్పొరేషన్లు, 106 మున్సిపాలిటీలకు జనాభా ప్రాతిపదికన రిజర్వేషన్లను ఖరారు చేసే పనిలో అధికారులు నిమగ్నమయ్యారు. మంగళగిరి-తాడేపల్లి మేయర్ స్థానాలు ఎస్టీలకు, రాజమండ్రి-కర్నూలు స్థానాలు ఎస్సీలకు కేటాయించే అవకాశం ఉండగా, నెల్లూరును జనరల్ కోటాలో చేర్చే ప్రచారం జరుగుతోంది. మున్సిపాలిటీల్లో బీసీలకు 36, ఎస్సీలకు 14, ఎస్టీలకు 3 స్థానాలతో పాటు సుమారు 8 మంది మహిళలకు మేయర్లుగా అవకాశం దక్కేలా కసరత్తు చేస్తున్నట్లు తెలుస్తోంది. దీనికి సంబంధించిన పూర్తి స్థాయి రిజర్వేషన్ల జాబితా ఇవాళ మధ్యాహ్నానికి వెలువడే అవకాశం ఉంది.
ఏపీ మున్సిపల్ ఎన్నికలు…మేయర్, మున్సిపల్ ఛైర్మన్ల సీట్లు ఎవరికి?
