కేంద్ర ఎన్నికల సంఘం (ECI) తీరుకు వ్యతిరేకంగా ముంబైలోని శివాజీ పార్క్‌ వేదికగా సీజేపీ (CJP) ఆధ్వర్యంలో భారీ ఆందోళన కొనసాగుతోంది. ప్రధాన ఎన్నికల కమిషనర్ (CEC) జ్ఞానేశ్ కుమార్ వెంటనే తన పదవికి రాజీనామా చేయాలని, ఆయనపై విచారణ జరపాలని డిమాండ్ చేస్తూ ఆందోళనకారులు, యువత నినాదాలతో హోరెత్తిస్తున్నారు. ప్రత్యేకించి స్పెషల్ ఇంటెన్సివ్ రివిజన్‌ (SIR) ప్రక్రియలో లోపాలు ఉన్నాయని, ఓటర్ల జాబితా సవరణ, పేర్ల తొలగింపుపై స్పష్టత ఇవ్వాలని నిరసనకారులు తీవ్రంగా ఒత్తిడి తెస్తున్నారు.
ఈ ఆందోళనల్లో భాగంగా 2025 నాటి ఓటర్ల జాబితాను యథాతథంగా కొనసాగించాలని (ఫ్రీజ్ చేయాలి), ఎన్నికల కమిషనర్ల నియామక ప్రక్రియలో పారదర్శకతను పెంచాలని సీజేపీ డిమాండ్ చేస్తోంది. ముంబైతో పాటు ఢిల్లీలోని జంతర్‌‌మంతర్‌ సహా పలు ప్రధాన నగరాల్లోనూ విపక్షాలు, విద్యార్థి సంఘాలు రోడ్డెక్కాయి. అయితే, ఎస్‌ఐఆర్‌తో పాటు ఇతర నిర్ణయాలన్నీ ముగ్గురు సభ్యుల ఎన్నికల కమిషన్ ఏకగ్రీవంగానే తీసుకుందని ఈసీ వర్గాలు స్పష్టం చేయగా, వివాదం ఏటువైపు దారితీస్తుందనేది రాజకీయ వర్గాల్లో ఆసక్తికరంగా మారింది.
