విజయవాడ పున్నమి ఘాట్ వద్ద ఏర్పాటు చేసిన జాతీయ సరస్ మేళా (SARAS Mela) 2026ను గురువారం రాష్ట్రపతి ద్రౌపది ముర్ము, ఆంధ్రప్రదేశ్ ముఖ్యమంత్రి ఎన్. చంద్రబాబు నాయుడు కలిసి ఘనంగా ప్రారంభించారు. గ్రామీణ మహిళా స్వయం సహాయక సంఘాలు (SHGs) తయారు చేసిన ఉత్పత్తులను ప్రోత్సహించి, వాటికి జాతీయ, అంతర్జాతీయ స్థాయిలో గుర్తింపు తేవడమే లక్ష్యంగా కేంద్ర గ్రామీణాభివృద్ధి శాఖ, ఆంధ్రప్రదేశ్ ప్రభుత్వం సంయుక్తంగా ఈ ప్రదర్శనను నిర్వహిస్తున్నాయి. అక్టోబర్ 15 నుంచి 31 వరకు 14 రోజుల పాటు జరిగే ఈ మేళాలో దేశ నలుమూలల నుంచి వచ్చిన డ్వాక్రా మహిళల హస్తకళలు, చేనేత వస్త్రాలు, ఇతర ఉత్పత్తుల ప్రదర్శన కోసం 650కి పైగా స్టాళ్లను ఏర్పాటు చేశారు. ఇప్పటివరకు కేవలం ఢిల్లీలోనే జరుగుతున్న ఈ ప్రతిష్టాత్మక జాతీయ మేళా, మొదటిసారిగా ఆంధ్రప్రదేశ్‌లో నిర్వహించబడుతుండటం విశేషం.
విజయవాడలో సరస్ మేళా ప్రారంభించిన రాష్ట్రపతి ముర్ము
