30 ఏళ్ల నిరీక్షణకు తెర.. మైనారిటీ కాలనీలో రోడ్ల నిర్మాణంతో స్థానికుల్లో హర్షం
ఎల్లారెడ్డి, నవంబర్ 04 (E6tv న్యూస్).
ఎల్లారెడ్డి మున్సిపాలిటీ పరిధిలోని 7వ వార్డు మైనారిటీ కాలనీలో సీసీ రోడ్ల నిర్మాణ పనులు ప్రారంభమయ్యాయి. మున్సిపల్ చైర్మన్ పద్మ శ్రీకాంత్ ఆధ్వర్యంలో చేపట్టిన ఈ పనులకు స్థానిక ప్రజలు హర్షం వ్యక్తం చేశారు.
గత 30 సంవత్సరాలుగా సరైన రోడ్డు సదుపాయం లేక ఇబ్బందులు ఎదుర్కొంటున్న తమ కాలనీ సమస్యకు ఎట్టకేలకు పరిష్కారం లభించిందని కాలనీవాసులు ఆనందం వ్యక్తం చేశారు. ఎమ్మెల్యే మదన్ మోహన్ ప్రత్యేక చొరవతో సీసీ రోడ్ల నిర్మాణ పనులు చేపట్టడం పట్ల కృతజ్ఞతలు తెలిపారు. తమ సమస్యను గుర్తించి అభివృద్ధి పనులకు సహకరించిన ఎమ్మెల్యేకు, మున్సిపల్ చైర్మన్‌కు ప్రత్యేక ధన్యవాదాలు తెలియజేశారు.
ఈ కార్యక్రమంలో మున్సిపల్ వైస్ చైర్మన్ భాగ్యవతి, మున్సిపల్ కమిషనర్ జగ్జీవన్, మాజీ పీఏసీఎస్ వైస్ చైర్మన్ ప్రశాంత్ గౌడ్, కౌన్సిలర్లు గాయత్రి, శ్యామ్, మహేశ్వరి, విద్యాసాగర్, మహమ్మద్ ఉన్నిస్, రఫీక్, దుంపల మంజుల, శంకర్, అటుకారి చంద్రన్న, సయ్యద్ గఫార్, సిద్ధి శ్రీధర్, తిరుపతి, శివానంద్, దశరథ్, కో-ఆప్షన్ సభ్యులు వసీం, వహీద్, పప్పు వెంకటి, అరుణ తదితరులు పాల్గొన్నారు.ఈ సందర్భంగా టీఆర్ఎస్ నాయకుడు ఎజాస్ మాట్లాడుతూ, మూడు దశాబ్దాలుగా పెండింగ్‌లో ఉన్న మైనారిటీ కాలనీ రోడ్ల సమస్యకు పరిష్కారం లభించడం సంతోషకరమని అన్నారు. ఎమ్మెల్యే మదన్ మోహన్ చొరవతో అభివృద్ధి పనులు ప్రారంభం కావడం పట్ల కృతజ్ఞతలు తెలిపారు.
మొత్తానికి మూడు దశాబ్దాల నిరీక్షణ తర్వాత తమ కాలనీలో సీసీ రోడ్ల నిర్మాణ పనులు ప్రారంభం కావడంతో స్థానికులు ఆనందం వ్యక్తం చేశారు.
