అమరావతి:
ఆంధ్రప్రదేశ్ ప్రభుత్వం జనసేన నేత, ఎమ్మెల్సీ కొణిదెల నాగేంద్రరావు (నాగబాబు)కు కేబినెట్ హోదా కల్పిస్తూ అధికారికంగా ఉత్తర్వులు జారీ చేసింది. ఏపీ గ్రీన్ ఎగ్జిక్యూటివ్ కమిటీ ఛైర్మన్గా వ్యవహరిస్తున్న ఆయనకు వర్తించే జీతభత్యాలు, ఇతర వసతులు మరియు వ్యక్తిగత సిబ్బంది నియామక వివరాలను ఖరారు చేస్తూ పర్యావరణ, అటవీశాఖ ఆదేశాలు విడుదల చేసింది.
జీతభత్యాల వివరాలు (జీవో నంబర్ 7 ప్రకారం):
- నెలకు జీతం: రూ. 2 లక్షలు.
- అలవెన్సులు: ఆఫీస్ ఫర్నీచర్, సహాయ సిబ్బంది మరియు ఇతర సౌకర్యాల కోసం వన్టైమ్ గ్రాంట్గా మరో రూ. 2.50 లక్షలు.
- మొత్తం లబ్ధి: జీతం, ఇతర అలవెన్సులు కలిపి నెలకు రూ. 4.50 లక్షల వరకు ప్రయోజనాలు అందనున్నాయి.
కేబినెట్ హోదా పొందిన ఇతర ప్రముఖులు:
కూటమి ప్రభుత్వం అధికారంలోకి వచ్చాక ఇప్పటికే పెందుర్తి వెంకటేశ్ (సిఎమ్ ప్రోగ్రామ్ కోఆర్డినేటర్), ఎంఏ షరీఫ్ (మైనారిటీ వ్యవహారాల సలహాదారు)లకు కేబినెట్ హోదా ఇచ్చింది. వీరితో పాటు ప్రవచనకర్త చాగంటి కోటేశ్వరరావు, మంతెన సత్యనారాయణ రాజు, పోచంపల్లి శ్రీధర్ రావులకు కూడా ప్రభుత్వం కేబినెట్ హోదా కల్పించిన సంగతి తెలిసిందే.
