రైతుల సంక్షేమమే కాంగ్రెస్ ప్రభుత్వ లక్ష్యం: పీఏసీఎస్ చైర్మన్ నాగం గంగారాం

ఎల్లారెడ్డి, అక్టోబర్ 24 (E6tv న్యూస్).

ఎల్లారెడ్డి పట్టణంలోని ఏఎంసీ మార్కెట్ కమిటీ యార్డులో ప్రాథమిక వ్యవసాయ సహకార సంఘం (పీఏసీఎస్) ఆధ్వర్యంలో ఏర్పాటు చేసిన ధాన్యం కొనుగోలు కేంద్రాన్ని ఎల్లారెడ్డి పీఏసీఎస్ చైర్మన్ నాగం గంగారాం శనివారం ప్రారంభించారు.

ఈ సందర్భంగా నాగం గంగారాం మాట్లాడుతూ రైతులు తాము పండించిన ధాన్యాన్ని ప్రభుత్వ కొనుగోలు కేంద్రాల ద్వారా విక్రయించి, మద్దతు ధర పొందాలని సూచించారు. రైతులకు ఎలాంటి ఇబ్బందులు కలగకుండా కొనుగోలు కేంద్రాల్లో అవసరమైన సౌకర్యాలు కల్పించేందుకు కృషి చేస్తామని తెలిపారు. రైతుల సంక్షేమానికి కాంగ్రెస్ ప్రభుత్వం ప్రాధాన్యత ఇస్తోందని, రైతుల కష్టానికి తగిన ప్రతిఫలం అందేలా కొనుగోలు కేంద్రాలు దోహదపడతాయని పేర్కొన్నారు.ధాన్యం కొనుగోళ్ల సమయంలో రైతులకు అవసరమైన సహకారం అందించాలని సంబంధిత అధికారులు, సిబ్బందికి సూచించారు. రైతులు దళారులను ఆశ్రయించకుండా ప్రభుత్వ కొనుగోలు కేంద్రాలను సద్వినియోగం చేసుకోవాలని నాయకులు కోరారు.

ఈ కార్యక్రమంలో ఎల్లారెడ్డి మున్సిపల్ చైర్మన్, మండల కాంగ్రెస్ పార్టీ అధ్యక్షుడు, పట్టణ కాంగ్రెస్ పార్టీ అధ్యక్షుడు, వివిధ సహకార సంఘాల చైర్మన్లు, పీఏసీఎస్ చైర్మన్లు, డైరెక్టర్లు, గ్రామ కాంగ్రెస్ పార్టీ అధ్యక్షులు, సర్పంచులు, కౌన్సిలర్లు, కో-ఆప్షన్ సభ్యురాలు, పట్టణ కమిటీ నాయకులు, రైతులు, కాంగ్రెస్ పార్టీ నాయకులు, కార్యకర్తలు, వ్యవసాయ శాఖ అధికారులు తదితరులు పాల్గొన్నారు.