తీవ్ర అనారోగ్యంతో బాధపడుతున్న బాలుడికి అండగా నిలిచిన ముత్యాల సునీల్ కుమార్
భీంగల్, జూలై 25: (E6 tv NEWS: T,గంగాధర్) భీంగల్ మండల కేంద్రంలోని బోయిగల్లికి చెందిన పల్లేర్ల వైశ్విక్ (తండ్రి: అరుణ్ బాబు) తీవ్ర అనారోగ్యంతో బాధపడుతూ హైదరాబాద్లోని నిమ్స్ ఆసుపత్రిలో చికిత్స పొందుతున్నారు. బాలుడికి అత్యవసరంగా శస్త్రచికిత్స అవసరమని వైద్యులు సూచించడంతో కుటుంబ సభ్యులు ఆర్థిక ఇబ్బందులను ఎదుర్కొన్నారు.
కుటుంబానికి ఆర్థిక భరోసా
ఈ విషయాన్ని తెలుసుకున్న బాల్కొండ నియోజకవర్గ కాంగ్రెస్ పార్టీ ఇంచార్జ్ ముత్యాల సునీల్ కుమార్ స్పందించి, ముఖ్యమంత్రి సహాయ నిధి (CMRF) ద్వారా రూ.7 లక్షల విలువైన లెటర్ ఆఫ్ క్రెడిట్ (LOC) మంజూరు చేయించి బాధిత కుటుంబానికి అందజేశారు.
కుటుంబ సభ్యుల కృతజ్ఞతలు
ఆపద సమయంలో వెంటనే స్పందించి వైద్య సహాయం అందేలా కృషి చేసిన ముత్యాల సునీల్ కుమార్కు వైశ్విక్ కుటుంబ సభ్యులు హృదయపూర్వక కృతజ్ఞతలు తెలిపారు. ఈ ఆర్థిక సహాయంతో బాలుడికి అవసరమైన శస్త్రచికిత్స, వైద్య చికిత్స సకాలంలో అందుతుందని వారు ఆశాభావం వ్యక్తం చేశారు.
