- గ్రామస్థాయి నుంచి మాదిగ హక్కుల దండోరా సంస్థను బలోపేతం చేయాలని పిలుపు
- నిజామాబాద్, కామారెడ్డి జిల్లాల అసెంబ్లీ ఇన్చార్జీల నియామకం
- ఎస్సీ వర్గీకరణ, సామాజిక న్యాయం సాధనే లక్ష్యమని స్పష్టం
నిజామాబాద్, జూలై 1:
మాదిగ హక్కుల దండోరా (ఎంహెచ్డీ) రాష్ట్ర అధ్యక్షుడు రేగుంట సునీల్ మాదిగ ఆదేశాల మేరకు నిజామాబాద్ ఆర్ & బి గెస్ట్ హౌస్లో సంస్థ ముఖ్య సమావేశం నిర్వహించారు. గ్రామస్థాయి నుంచి సంస్థను బలోపేతం చేయడం, మాదిగ సమాజ హక్కుల సాధన, ఎస్సీ వర్గీకరణ అమలు, సామాజిక న్యాయం కోసం ఉద్యమాన్ని విస్తరించడంపై సమావేశంలో చర్చించారు.
సమావేశానికి ముఖ్య అతిథిగా హాజరైన మాదిగ హక్కుల దండోరా రాష్ట్ర గౌరవ అధ్యక్షులు డాక్టర్ పెరుమాండ్ల రామకృష్ణ మాట్లాడుతూ, రాష్ట్రవ్యాప్తంగా ప్రతి అసెంబ్లీ నియోజకవర్గంలో సంస్థను మరింత బలోపేతం చేసి మాదిగ సమాజ సమస్యల పరిష్కారానికి సమిష్టిగా పనిచేయాలని పిలుపునిచ్చారు. సమాజ హక్కుల సాధనలో ప్రతి నాయకుడు బాధ్యతాయుతంగా వ్యవహరించి ప్రజలకు అండగా నిలవాలని సూచించారు.
ఈ సందర్భంగా నిజామాబాద్, కామారెడ్డి జిల్లాలకు చెందిన అసెంబ్లీ నియోజకవర్గ ఇన్చార్జీలను ప్రకటించారు.
నిజామాబాద్ జిల్లా ఇన్చార్జీలు: నిజామాబాద్ అర్బన్ – కీసర్ శేఖర్, కాంపెల్లి గంగాధర్; నిజామాబాద్ రూరల్ – గోపీ గాధేపాగ, దూధిమిట్ల నరేష్; బోధన్ – రావర్తి రవికుమార్, రవి; ఆర్మూర్ – ఆదరి సరిత, రోజా; బాల్కొండ – దుర్గరాజు సిర్పంగి, శ్రీనివాస్.
కామారెడ్డి జిల్లా ఇన్చార్జీలు: జుక్కల్ – సాయికుమార్; ఎల్లారెడ్డి – చందు; కామారెడ్డి – చంద్రం; బాన్సువాడ – ప్రవీణ్.
నూతనంగా నియమితులైన ఇన్చార్జీలు తమ తమ నియోజకవర్గాల్లో సంస్థను మరింత విస్తరించి మాదిగ సమాజ అభ్యున్నతి, సామాజిక న్యాయం, ఎస్సీ వర్గీకరణ అమలుకు కృషి చేస్తామని తెలిపారు.
ఈ సమావేశంలో రాష్ట్ర వర్కింగ్ ప్రెసిడెంట్ ఏలుకటి జనార్ధన్, ఉమ్మడి నిజామాబాద్ జిల్లా ఇన్చార్జ్ ప్రవీణ్తో పాటు సరిత, రావర్తి రవికుమార్, కాంపెల్లి గంగాధర్, కీసర్ శేఖర్, దూధిమిట్ల నరేష్ యాదవ్, వేణు తదితర నాయకులు పాల్గొన్నారు.
