అనుమతులు లేవు అర్హత అంతకన్నా లేదు రెండేళ్లుగా సాగుతున్న చావుల దందా
బెడ్లు ఈసీజీ ఎక్స్రే అంతా దొంగ కాపురం సామాన్యుల రక్తం తాగుతున్న ముఠా
అనుమతులు లేవు అర్హత అంతకన్నా లేదు రెండేళ్లుగా సాగుతున్న చావుల దందా
బెడ్లు ఈసీజీ ఎక్స్రే అంతా దొంగ కాపురం సామాన్యుల రక్తం తాగుతున్న ముఠా
అधिकारियोंల జేబుల్లో నోట్ల కట్టలు జనం ప్రాణాలకు లేవా విలువలు డీఎంహెచ్ఓ గారు సమాధానం చెప్పండి
కమ్మర్పల్లి నిజామాబాద్ జిల్లా
అక్కడ బోర్డు చూస్తే కార్పొరేట్ రేంజ్ బిల్డింగ్ కనిపిస్తుంది. లోపలికి వెళ్తే దేవుడి లాంటి డాక్టర్లు ఉన్నారన్న భ్రమ కల్పిస్తారు. కానీ ఆ రంగుల ప్రపంచం వెనుక దాగున్నది పచ్చి మోసం. నిజామాబాద్ జిల్లా కమ్మర్పల్లి మండల కేంద్రంలో వైద్యం పేరుతో సామాన్యుల ప్రాణాలను పణంగా పెట్టి సాగుతున్న ఒక మృత్యు వ్యాపారం గుట్టును ఈ6టీవీ బట్టబయలు చేస్తోంది. కనీస ప్రభుత్వ అనుమతులు లేవు క్లినికల్ ఎస్టాబ్లిష్మెంట్ యాక్ట్ రిజిస్ట్రేషన్ ఊసే లేదు. అయినా సరే గత రెండేళ్లుగా యమధర్మరాజుకు బ్రాంచ్ ఆఫీస్లా ఈ అక్రమ ప్రైవేట్ ఆసుపత్రి దర్జాగా నడుస్తోంది.
షాకింగ్ నిజాలు లోపల జరుగుతున్న దారుణాలు ఇవే
రోగుల నమ్మకాన్ని పెట్టుబడిగా మార్చుకున్న ఈ ఆసుపత్రి యజమాన్యం చేస్తున్న దందాలు ఒక్కొక్కటిగా చూస్తే ఒళ్లు గగుర్పొడుస్తుంది.
ఇక్కడ బోర్డుపై ఉండే పెద్ద చదువుల డాక్టర్లు కేవలం కమీషన్ కోసం బోర్డులకే పరిమితం అవుతున్నారు. లోపల రోగులకు సూదులు గుచ్చేది సెలైన్లు పెట్టేది మందులు రాసేది అంతా అరకొర చదువుకున్న నకిలీ సిబ్బందే. రేడియేషన్ ముప్పు ఉన్న ఎక్స్రే మిషన్లు ఈసీజీ యంత్రాలను ఎలాంటి పర్మిషన్లు లేకుండా టెక్నీషియన్లు లేకుండా నడుపుతూ రోగుల శరీరాలతో చెలగాటమాడుతున్నారు. డ్రగ్ లైసెన్స్ లేకుండానే ఆసుపత్రి లోపలే ఒక మాయా మెడికల్ షాప్ తెరిచారు. పల్లెటూరి జనం అమాయకత్వాన్ని ఆసరాగా చేసుకుని బ్రాండెడ్ మందుల పేరుతో నాసిరకం మందులను అంటగడుతూ జేబులు గుల్ల చేస్తున్నారు.
నొప్పి అని వస్తే నకిలీ ఇంజెక్షన్లు ఇస్తున్నారు ప్రాణం పోతే ఎవరిది బాధ్యత అని స్థానిక పల్లె ప్రజలు కన్నీరు మున్నీరవుతున్నారు. అత్యవసర పరిస్థితి వస్తే ఇక్కడ ప్రాణాలు గాల్లో కలవడం ఖాయంగా కనిపిస్తోంది.
డీఎంహెచ్ఓ గారు ఈ ముడుపుల మౌనం వెనుక రహస్యం ఏంటి
కళ్లెదుటే ఇంత పెద్ద అక్రమ సామ్రాజ్యం నడుస్తుంటే జిల్లా వైద్యారోగ్య శాఖ డీఎంహెచ్ఓ మరియు స్థానిక అధికారులు నిమ్మకు నీరెత్తినట్లు వ్యవహరించడం వెనుక ఉన్న అసలు సీక్రెట్ ఏంటి అనే అనుమానాలు వస్తున్నాయి.
గత ఏడాది కాలంగా అధికారులు ఈ ఆసుపత్రికి వస్తున్నారు పోతున్నారు కానీ చర్యలు మాత్రం శూన్యం. కేవలం ఏసీ రూముల్లో కూర్చుని నోటిమాట హెచ్చరికలతో చేతులు దులుపుకుంటున్నారు. సీజ్ చేయాల్సిన చేతులు లంచాల నోట్ల కట్టలు అందుకొని సెల్యూట్ కొడుతున్నాయా అన్న అనుమానాలు ఇప్పుడు బహిరంగంగా వినిపిస్తున్నాయి. ప్రజల ప్రాణాల కంటే అధికారులకు ఆసుపత్రి యజమాన్యం ఇచ్చే ముడుపులే ఎక్కువయ్యాయా అనే ప్రశ్నలు తలెత్తుతున్నాయి.
ఈ6టీవీ హెచ్చరిక అక్రమార్కుల గుండెల్లో రైళ్లు
చట్టాలు కేవలం పేదవాడికేనా లక్షలు కుమ్మరించే ఇటువంటి నకిలీ ఆసుపత్రులకు చట్టాలు వర్తించవా అని కమ్మర్పల్లి ప్రజలు నిలదీస్తున్నారు.
మా డిమాండ్
ఇప్పటికైనా గౌరవనీయులైన జిల్లా కలెక్టర్ గారు ప్రత్యేక నిఘా పెట్టాలి. ఈ మృత్యు కూపాన్ని వెంటనే సీజ్ చేసి ప్రజల ప్రాణాలతో ఆడుకుంటున్న యజమాన్యంపై వారికి సహకరిస్తున్న అవినీతి అధికారులపై క్రిమినల్ కేసులు నమోదు చేయాలి.
బాధితులకు న్యాయం జరిగి ఈ అక్రమ ఆసుపత్రికి తాళం పడే వరకు ఈ6టీవీ తన కెమెరా కంటితో ఈ దందాను వెంటాడుతూనే ఉంటుంది. నిజామాబాద్ వైద్య శాఖలో కదలిక వచ్చే వరకు మా పోరాటం ఆగదు
