మాజీ మంత్రి, కాపు ఉద్యమ నేత ముద్రగడ పద్మనాభం కన్నుమూత

మాజీ మంత్రి, కాపు ఉద్యమ నేత ముద్రగడ పద్మనాభం కన్నుమూత
హైదరాబాద్: సీనియర్ రాజకీయ నాయకుడు, కాపు సామాజికవర్గ అగ్రనేత, మాజీ మంత్రి ముద్రగడ పద్మనాభం కన్నుమూశారు. గత కొంతకాలంగా శ్వాసకోశ సంబంధిత వ్యాధులతో బాధపడుతున్న ఆయన, హైదరాబాద్‌లోని ఒక ప్రైవేట్ ఆసుపత్రిలో చికిత్స పొందుతూ తుదిశ్వాస విడిచారు. ఆయన మృతి పట్ల పలువురు రాజకీయ ప్రముఖులు తీవ్ర దిగ్భ్రాంతిని వ్యక్తం చేస్తున్నారు.
ఆయన 1953లో తూర్పుగోదావరి జిల్లా కిర్లంపూడిలో జన్మించారు. 1978లో జనతా పార్టీ తరపున పోటీ చేసి తొలిసారిగా ఎమ్మెల్యేగా అసెంబ్లీలో అడుగుపెట్టారు. తన రాజకీయ చతురతతో 1989 వరకు వరుసగా నాలుగు సార్లు ఎమ్మెల్యేగా గెలుపొంది తిరుగులేని నేతగా ఎదిగారు. దివంగత ముఖ్యమంత్రులు ఎన్టీఆర్ మరియు మర్రి చెన్నారెడ్డి ప్రభుత్వాలలో మంత్రిగా కీలక బాధ్యతలను నిర్వహించారు. కాపు రిజర్వేషన్ల కోసం ఆయన సాగించిన పోరాటాలు, ఉద్యమాలు ఆంధ్రప్రదేశ్ రాజకీయాల్లో చెరగని ముద్ర వేశాయి. సుదీర్ఘ రాజకీయ ప్రస్థానంలో భాగంగా 2024 సార్వత్రిక ఎన్నికలకు ముందు ఆయన వైఎస్సార్ కాంగ్రెస్ పార్టీలో చేరారు.
ముద్రగడ పద్మనాభం మృతి పట్ల ఈ6టీవీ తీవ్ర సంతాపాన్ని ప్రకటిస్తోంది. వారి ఆత్మకు శాంతి చేకూరాలని ప్రార్థిస్తూ, ఆయన కుటుంబ సభ్యులకు మా ప్రగాఢ సానుభూతిని తెలియజేస్తున్నాము.