హైదరాబాద్: హైదరాబాద్ డిజాస్టర్ రెస్పాన్స్ అండ్ అసెట్ ప్రొటెక్షన్ ఏజెన్సీ (HYDRAA) కమిషనర్, ఐపీఎస్ అధికారి ఏవీ రంగనాథ్కు తెలంగాణ హైకోర్టు తీవ్ర షాక్ ఇచ్చింది. హైడ్రా కమిషనర్ పదవి నుంచి ఏవీ రంగనాథ్ను తక్షణమే తొలగించాలని (Relieve) రాష్ట్ర ప్రభుత్వ సీఎస్ (Chief Secretary)ను హైకోర్టు ఆదేశించింది. ఆయన స్థానంలో మరొక అర్హత కలిగిన అధికారిని నియమించాలని స్పష్టం చేసింది.
కోర్టు దిక్కరణ (Contempt of Court) కేసులో రంగనాథ్ తెలిపిన క్షమాపణను తోసిపుచ్చిన న్యాయస్థానం ఈ తీవ్ర నిర్ణయం తీసుకుంది.
కోర్టు తీవ్ర ఆగ్రహానికి కారణాలు:
- 63 కోర్టు దిక్కరణ కేసులు: ఒక బాధ్యతాయుతమైన ఉన్నతాధికారిపై ఏకంగా 63 కోర్టు దిక్కరణ పిటిషన్లు దాఖలు కావడం సరికాదని, కోర్టు ఉత్తర్వులను పదే పదే ధిక్కరించడం ఆమోదయోగ్యం కాదని జస్టిస్ అనిల్ కుమార్ నేతృత్వంలోని బెంచ్ తీవ్ర అసంతృప్తి వ్యక్తం చేసింది.
- నిర్ణీత గడువులోగా అఫిడవిట్ దాఖలు చేయకపోవడం: లోత్కుంట భూ వివాదానికి సంబంధించిన కేసు విచారణ సందర్భంగా.. రంగనాథ్ కోర్టుకు లిఖితపూర్వకంగా క్షమాపణలు చెబుతూ అఫిడవిట్ దాఖలు చేయాలని గతంలోనే స్పష్టం చేసింది. అయితే ఇచ్చిన గడువు ముగిసేసరికి అఫిడవిట్ సమర్పించకపోవడంపై న్యాయస్థానం తీవ్రంగా ఆగ్రహించింది.
కోర్టు ఆదేశాలను పదే పదే ఉల్లంఘించడాన్ని తీవ్రంగా పరిగణించిన హైకోర్టు, ఈ ఉత్తర్వులను తక్షణమే అమలు చేసి నూతన అధికారిని హైడ్రా చీఫ్గా నియమించాలని ప్రభుత్వాన్ని ఆదేశించింది.
