డాక్టర్ల సేవలు సమాజానికి అమూల్యం.. వరల్డ్ డాక్టర్స్ డే శుభాకాంక్షలు: అడ్మినిస్ట్రేటివ్ ఆఫీసర్ ఎం. సుమంత్ కుమార్
- జిల్లా, రాష్ట్ర ప్రజలందరికీ డాక్టర్స్ డే శుభాకాంక్షలు
- వైద్యుల సేవలను ప్రతి ఒక్కరూ గౌరవించాలని పిలుపు
- ఆరోగ్యమే మహాభాగ్యమని గుర్తుంచుకొని ఆరోగ్య సంరక్షణకు ప్రాధాన్యత ఇవ్వాలి
నిజామాబాద్, జూలై 1: వరల్డ్ డాక్టర్స్ డే సందర్భంగా నిజామాబాద్ జిల్లా వైద్య ఆరోగ్యశాఖ అడ్మినిస్ట్రేటివ్ ఆఫీసర్ ఎం. సుమంత్ కుమార్ జిల్లా, రాష్ట్ర ప్రజలందరికీ హృదయపూర్వక శుభాకాంక్షలు తెలిపారు.
ఈ సందర్భంగా ఆయన మాట్లాడుతూ, ప్రజల ప్రాణాలను కాపాడుతూ, సేవాభావంతో నిరంతరం విధులు నిర్వహిస్తున్న వైద్యుల సేవలు సమాజానికి అమూల్యమైనవని అన్నారు. అనారోగ్య పరిస్థితుల్లో రోగులకు ధైర్యం నింపుతూ, నాణ్యమైన వైద్య సేవలు అందిస్తున్న ప్రతి వైద్యుడికి డాక్టర్స్ డే సందర్భంగా ప్రత్యేక అభినందనలు తెలియజేశారు.
ప్రతి ఒక్కరూ ఆరోగ్యంపై ప్రత్యేక శ్రద్ధ వహించాలని, ఆరోగ్యకరమైన జీవనశైలిని అలవర్చుకోవాలని సూచించారు. ప్రభుత్వం అమలు చేస్తున్న ప్రజారోగ్య కార్యక్రమాలను సద్వినియోగం చేసుకొని, వ్యాధుల నివారణకు అవసరమైన జాగ్రత్తలు తీసుకోవాలని కోరారు.
వైద్యుల త్యాగం, అంకితభావం, సేవాస్ఫూర్తిని సమాజం ఎల్లప్పుడూ గుర్తుంచుకోవాలని, డాక్టర్స్ డే సందర్భంగా అన్ని ప్రభుత్వ, ప్రైవేట్ వైద్యులకు ఆయన శుభాకాంక్షలు తెలియజేశారు.
