నేటి నుంచే పెరగనున్న విమాన చార్జీలు!

విమాన ప్రయాణికులకు షాకిస్తూ దేశీయ, అంతర్జాతీయ విమాన చార్జీలు ఇవాళ్టి నుంచి మరింత పెరగనున్నాయి. విమాన ఇంధన (ATF) ధరలు మరియు నిర్వహణ వ్యయాలు పెరగడంతో ఎయిర్‌లైన్స్ సంస్థలు ఇంధన సర్‌చార్జిని పెంచడమే ఇందుకు కారణం. ఈ పెంపు ప్రకారం దేశీయ విమానాలపై ప్రయాణ దూరాన్ని బట్టి రూ. 100 నుంచి రూ. 350 వరకు అదనపు భారం పడనుంది. ఇక అంతర్జాతీయ ప్రయాణాలకు సంబంధించి 500 కిలోమీటర్ల వరకు రూ. 375, 501–1000 కి.మీ. వరకు రూ. 600, 1001–1500 కి.మీ. వరకు రూ. 900, 1501–2000 కి.మీ. వరకు రూ. 1150 మరియు 2000 కి.మీ. దాటిన ప్రయాణాలపై గరిష్టంగా రూ. 1300 వరకు సర్‌చార్జి విధించనున్నారు. ఈ నిర్ణయంతో తరచూ ప్రయాణించే వారితో పాటు ముందస్తు టికెట్ బుకింగ్ చేసుకునే వారిపై కూడా తీవ్ర ప్రభావం పడనుంది.