రాహుల్ గాంధీ, ప్రియాంక గాంధీ అరెస్టును నిరసిస్తూ నిర్మల్‌లో ఆందోళన
నిర్మల్, అక్టోబర్ 8 (E6tv NEWS: ప్రతినిధి)
ఎస్‌ఐఆర్‌ ప్రక్రియకు వ్యతిరేకంగా, కాంగ్రెస్ అగ్రనేతలు రాహుల్ గాంధీ, ప్రియాంక గాంధీ వాద్రాను ఢిల్లీలో పోలీసులు అదుపులోకి తీసుకున్న ఘటనను నిరసిస్తూ నిర్మల్‌లో కాంగ్రెస్ ఆధ్వర్యంలో నిరాహార దీక్ష చేపట్టారు. ఢిల్లీలో ఎస్‌ఐఆర్‌, ఓటర్ల జాబితాకు సంబంధించిన అంశాలపై ఇండియా కూటమి నేతలు చేపట్టిన ఆందోళన సందర్భంగా రాహుల్ గాంధీ, ప్రియాంక గాంధీ సహా పలువురు నేతలను పోలీసులు అదుపులోకి తీసుకున్న విషయం తెలిసిందే.
నిర్మల్ నియోజకవర్గ కాంగ్రెస్ ఇన్‌చార్జి కూచిడి శ్రీహరి రావు, మున్సిపల్ వైస్‌చైర్మన్ అప్పల గణేష్ చక్రవర్తి ఆధ్వర్యంలో జరిగిన కార్యక్రమంలో నాయకులు మాట్లాడుతూ.. ఓటు హక్కు, ప్రజాస్వామ్య హక్కులను పరిరక్షించాల్సిన అవసరం ఉందన్నారు. ఎస్‌ఐఆర్‌ ప్రక్రియపై తమకు ఉన్న అభ్యంతరాలను కేంద్ర ఎన్నికల సంఘం పరిగణనలోకి తీసుకోవాలని కోరారు.ఎస్‌ఐఆర్‌ ప్రక్రియను వెంటనే రద్దు చేయాలని, ఓటర్ల హక్కులకు భంగం కలగకుండా చర్యలు తీసుకోవాలని కాంగ్రెస్ నాయకులు డిమాండ్ చేశారు. ఎన్నికల ప్రక్రియకు సంబంధించిన అంశాలపై ప్రజలకు స్పష్టత కల్పించాలని కోరారు.ఇటీవల తెలంగాణలోనూ ఎస్‌ఐఆర్‌కు వ్యతిరేకంగా కాంగ్రెస్, యువజన కాంగ్రెస్ ఆధ్వర్యంలో నిరసన కార్యక్రమాలు నిర్వహించినట్లు వార్తలు వెలువడ్డాయి.
ఈ కార్యక్రమంలో కాంగ్రెస్ నాయకులు చిన్ను, మతీన్, కిజార్, జునైద్, నిర్మల్ మున్సిపల్ కౌన్సిలర్ తదితరులు, కాంగ్రెస్ కార్యకర్తలు, స్థానిక ప్రజలు పాల్గొన్నారు.
