హైదరాబాద్‌లోని ముషీరాబాద్ అసెంబ్లీ నియోజకవర్గం పరిధిలో 30 మంది ముస్లిం ఓటర్ల పేర్లను అక్రమంగా తొలగించేందుకు యత్నించారనే ఆరోపణలపై బీజేపీ బూత్ లెవల్ ఏజెంట్ ఎస్. బాలచందర్‌పై చిక్కడపల్లి పోలీసులు కేసు నమోదు చేశారు. సూర్య నగర్ పోలింగ్ స్టేషన్ నెం. 210 పరిధిలోని ఓటర్లను తొలగించాలంటూ అతడు ఫారం-7 దరఖాస్తులను సమర్పించగా, ఎన్నికల అధికారులు క్షేత్రస్థాయి పరిశీలన జరిపి ఆ ఓటర్లంతా అక్కడే నివసిస్తున్నట్లు నిర్ధారించారు. దీంతో దురుద్దేశపూర్వక చర్యగా భావించి ఈఆర్ఓ టి. ప్రవీణ్ కుమార్ ఇచ్చిన ఫిర్యాదు మేరకు పోలీసులు ఎఫ్‌ఐఆర్‌ దాఖలు చేశారు. కాంగ్రెస్, ఎంఐఎం పార్టీలు ఈ ఘటనపై సిట్ విచారణకు డిమాండ్ చేయగా, ఈ ఆరోపణలను బీజేపీ రాష్ట్ర అధ్యక్షుడు రాంచందర్ రావు ఖండించారు.
30 మంది ముస్లింల ఓట్ల తొలగింపు యత్నం చేసిన బీజేపీ నేత:హైదరాబాద్‌
