సర్కార్ ఉద్యోగులకు దసరా కానుక

దసరా పండుగ వేళ తెలంగాణ ప్రభుత్వం రాష్ట్ర ఉద్యోగులు మరియు పెన్షనర్లకు తీపి కబురు అందిస్తూ రెండు కరువు భత్యాలను (డీఏలు) మంజూరు చేస్తూ బుధవారం ఉత్తర్వులు (GO) జారీ చేసింది. ఈ పెంచిన డీఏను అక్టోబర్ నెల వేతనంతో కలిపి నవంబర్ 1న జీతాల ఖాతాల్లో జమ చేయనుండగా, బకాయిలను 33 వాయిదాల్లో (జూలై 2024 డీఏ బకాయిలను 27 వాయిదాల్లో) ఉద్యోగుల జీపీఎఫ్ (GPF) ఖాతాల్లో జమ చేయనున్నట్లు పేర్కొంది. ఈ నిర్ణయం వల్ల రాష్ట్ర ప్రభుత్వంపై ఏటా రూ. 2,500 కోట్ల అదనపు భారం పడనుండగా, జనవరి 2024 నుంచి డీఏను 37.31 శాతానికి పెంచడంతో పాటు 2015, 2020 పీఆర్‌సీ ఉద్యోగులతో పాటు యూజీసీ, ఏఐసీటీఈ స్కేల్ పరిధిలోని సిబ్బందికి కూడా ఈ పెంపు వర్తించనుంది.